الكشف عن حقيقة تطبيق صلة و الاحتيال الذي فعل بمنشئي المحتوى العرب الذين سوقو للتطبيق على أنه فلسطيني .
🤔 تطبيق صله فلسطيني وليس اسرائيلي ؟لو ده حقيقي فده شئ يسعدنا انه يكون في خطوه زي دي من شباب فلسطيني.
🤔 طيب لو اسرائيلي ايه المشكله ؟المشكله انه يتم خداعنا كمنشئ محتوي وخداع متابعينا علي اليوتيوب بهذا الاسلوب القذر من التحايل.
🤔 ايه اللي مخليك متأكد ان التطبيق اسرائيلي.في فيديو علي اليوتيوب شرحت في التفاصيل والاثباتات وده رابط الفيديو : https://youtu.be/u8qzcG83gX4
وده رابط تاني للفيديو بعد ما اتحذف من اليوتيوب :
https://www.facebook.com/Matrix219/videos/1962223070457534/
وبعد نشر الفيديو بدقائق تم اخفاء صفحات الفيس بوك التي استدليت بها علي هوية التطبيق والمسئولين عنه. وهذه هي روابط الصفحات :
https://www.facebook.com/eran.appmahal
https://www.facebook.com/Spiral-Solutions-106047612875911
والصفحة الاخيرة تم تعديل محتواها وحذف بوستات شهر ابريل ثم اعادة نشرها مرة اخري اليوم.
🤔 بالنسبة للتحويلات الماليه هم يستعينون بطرف ثالث لان التعاملات الماليه في فلسطين صعبة ؟بداية أكثر من حد فلسطيني أكد ان بنك فلسطين معتمد من بايبال ولديهم حسابات مفعله من نفس البنك, ولا داعي لاستخدام طرف ثالث.
ثانيآ المسئولين عن التطبيق دائمي التواجد في انجلترا ولندن, وأعتقد ان الفلسطيني اللي معاه فيزا شنغن سهل عليه يفتح حساب في اي بنك هو عاوزه.
ثالثا واخيرآ ازاي طرف ثالث والايميل بتاعه هو ايميل الشركة.
eran@appmahal.com
🤔 في حد ظهر علي اليوتيوب وقال ان التطبيق فلسطيني ؟الكلام مفيش عليه جمرك.
🤔 بس ده استضاف مديرة التسويق "مني حداد" المسئولة عن التطبيق اللي بتأكد انها فلسطينية ؟مش دليل, دي منشورات ليها علي الفيس بوك من سنة 2012 و 2014 باللغة العبرية ومنهم بوست بتخاطب فيه مؤسسة التأمين الوطني في اسرائيل.
https://www.facebook.com/mango.isra…/posts/10152094929005758
🤔 انت ايه اللي مخليك مركز أوي مع الموضوع ده ؟انا لا مركز مع الموضوع ولا حاجه, كل ما في الأمر ان الناس وثقت فيا وفي المعلومه اللي باشاركها مع متابعين القناة في اليوتيوب, ولما اكتشفت الحقيقة كان لازم اشاركها علي اليوتيوب حتي لو حتسبب لي مشاكل.
بالاضافة الي ان صلاحيات التطبيق بتمكن المسئولين عنه انهم يتحكموا في الموبايل بالكامل, فما بالك ان التطبيق يستخدمه حد من أهلك أو اصدقاءك يعمل في جهه أمنيه او سيادية في الدولة. فتبعيات الموضوع كارثيه بمعني الكلمه.
🤔 الفيس بوك وفايبر ومواقع كتير ممكن يكون مصدرها اسرائيل, ايه المشكله مع تطبيق صلة تحديدآ ؟نخلينا متفقين أن اي تطبيق عالمي لشركة كبيرة ومعروفة بيكون له مستوي معين من الشفافية والرقابة الدولية علي حقوق المستحدمين وخصوصية البيانات, والموضوع ده في اوروبا وامريكا مافيهوش هزار. لكن لما يكون تطبيق غير معروف وموجه فقط للعرب, ويكون في شبهه حواليه فده يخلينا ننتبه خاصة مع كم الصلاحيات اللي بيطلبها التطبيق واعتماده الكلي علي المؤثرين في الترويج للتطبيق.
🤔 مسئولين التطبيق بيقولوا انهم اتواصلوا معاك وارسلوا لك مستندات تثبت ان التطبيق فلسطيني ؟محصلش.
🤔 بيقولوا حيرفعوا عليك قضية ؟الكلام مفيش عليه جمرك, انا عارف القانون كويس.
🤔 انت ليه غاوي مشاكل, وكل شويه تعمل مشكلة, آخرهم مشكلة اتصالات ADSL ؟انا مش غاوي مشاكل ولا حاجه, بخصوص شركة اتصالات فهي اعتذرت لي وتم ايقاف الموظفه عن العمل واحالتها للتحقيق.
🤔 ايه رأيك في موقف زملاءك في اليوتيوب اللي عملوا ترويج للتطبيق ؟Ahmed ElGarnosy
من ارجل الناس اللي عرفتها في المجال ده, وكل يوم بيثبت لي انه صاحب صاحبه, وبيقول كلمة الحق ولو علي رقبته.
في ناس تانيه منتفعه ومش هاممها غير مصالحها وعلاقاتها وسبوبة الدولارات.
وناس تانيه خايفه تتكلم عن الموضوع, وده طبيعي في الزمن اللي احنا موجودين فيه.
🤔 انت مش شايف انك اعطيت الموضوع أكبر من حجمه ؟الموضوع علشان كان صدمه لناس كتير فالكلام عليه كتير, وعلشان كده عملت البوست ده علشان ننهي الحوار.
🤔 طيب وبعدين ؟
ولا قابلين, حوار وانتهي ونشوف شغلنا.
---
تعديل :
بعض الروابط تم حذفها وكذلك الفيديو تم الابلاغ عنه وسوف يحذف خلال 24 ساعه, وعلشان كده باشارك معاكم برنت اسكرين لمنشورات المسئولة عن التطبيق, وكذلك رابط الفيديو علي الفيس بوك :
الفيديو الذي يقول فيه صاحبه أن التطبيق فلسطيني :
تعليقات
إرسال تعليق